ESTE DEPORTE AXUDOUME A MEDRAR COMO PERSOA

"Este deporte axudoume a medrar como persoa" é unha das frases que dixo Saleta Castro  no noso cole para todas as persoas que estabamos alí escoitando e que emocionou a moitas de nós. Contounos como foi a súa traxectoria deportiva, cales son as súas motivacións, cal é o seu soño. Foi marabilloso escoitala, gozamos moítisimo coas respostas que lles deu aos cativos e cativas do noso cole.

Contounos como empezou e cales son as súas motivacións para seguir. Explicounos un pouco como é a súa vida con este deporte formando parte dela, e chegamos a unha conclusión: é unha supermuller. Moitas persoas das que estabamos escoitando, tanto entre o profesorado como o alumnado quedamos apampando ao mencionar as distancias das probas e os tempos que podes estar nunha competición. Penso que nos quedou claro que o ESFORZO e a SUPERACIÓN están presentes neste deporte e ela ten moito destes valores. Valores estes moi importantes na vida diaria.

Tamén tivo a paciencia de firmar autografos a quen llos pediu, algúns incluso polas dúas caras mostrando ter unha gran PACIENCIA e moi bo humor. Dende o CEIP de Parada-Campañó desexamos que teñas moita sorte no camiño que emprendeches.

GRAZAS SALETA POR ESTAR CON NÓS.

VISÍTANOS SALETA CASTRO

Mañá visita o noso cole a triatleta Saleta Castro. Esta deportista comeza a destacar desde moi nova en diversas disciplinas: natación, atletismo e salvamento pero a idade de 14 anos resultalle imposible compaxinalo cos estudios e, é o seu adestrador de natación quen a introduce no mundo do triatlón, entrando no Centro Galego de Tecnificación Deportiva no ano 2002.

Actualmente dedicase exclusivamente ao triatlón en todas as súas modalidades: triatlón cross, triatlón de larga distancia, sprint e duatlón.

AS FIGURAS

Aquí seguimos coa terceira entrega dos apuntamentos sobre xadrez. Se tendes dúbidas, podedes preguntar aquí no blogue ou os mércores e os xoves durante o recreo na biblioteca.

O PEON

Hoxe subimos a unidade didáctica que se refire ao Peón. Espero que entendades ben todo.

XADREZ

Como sabedes o Xadrez considérase a combinación da arte e intelixencia, habilidade estratéxica e forza mental, polo que pensamos que non estaría mal traballar este xogo no colexio e comezamos un obradoiro de xadrez no recreo dos mércores e os xoves. A profe Cris é a encargada de impartilo, e aquí tendes uns pequenos apuntamentos para todas aquelas persoas (alumnado, familias, profesorado) que non saibades e queirades aprender a xogar.

Jordi Priño Burgués, Ramón Torra Bernat, Imma Farré Vilalta

EDUCACIÓN , DEPORTE E VALORES

Dende o xoves ata o próximo mércores temos no cole unha exposición itinerante dirixida  ao alumnado, persoal docente, persoal non docente, familias...  cuxa temática é a EDUCACIÓN, DEPORTE E VALORES. Consta de 17 paneis despregables que podedes ver nos corredores do noso centro. Invitamos a toda a comunidade educativa a darse unha volta polo centro e a recordar que a actividade física e os deportes alimentan o noso ser, en tódolos seus ámbitos: cognitivo, físico, afectivo e social  e axudan a traballar e desenvolver valores fundamentais para a vida diaria.

OS DEPORTES

Aquí  temos unha actividade para que a cativada do cole coñeza algúns deportes.

AS OLIMPIADAS

BÁDMINTON

Neste 2º trimestre de curso imos comezar unha UD adicada ao bádminton. Recomendovos esta actividade para que tomedes contacto con este deporte.

Aprendo sobre o badminton

BALONCESTO

O mércores 15 de decembro, o alumnado de 5º e 6º tivemos unha sesión de Baloncesto, con dous membros do equipo feminino ARXIL. As xogadoras que nos visitaron xogan no seu equipo de pivot (Nuria, a máis alta) e de base (Taimara,a  máis baixa). Fixemos con elas algúns xogos  e pasámolo xenial. Soubo a pouco. Tiveron un detallino connosco e agasallaronnos cunha camiseta.

O baloncesto é un deporte colectivo inventado en 1891 polo profesor de Educación Física James Naismith. Cada un dos dous equipos está formado por cinco xogadores ou xogadoras. Ten como obxectivo pasar a pelota por dentro dunha cesta colocada nas extremidades da pista. Actualmente pode xogarse tamén en pistas ao ar libre. Neste deporte pódense facer os cambios de xogadores que o adestrador estime necesarios. As posicións máis comúns dos xogadores son: base, escolta, aleiro, ala-pivot e pivo (pivot). O xogador máis importante é o base, xa que ten a función de dirixir o xogo.